rafta rafta rang bikharte jaate hain
tasviron ke daagh ubharte jaate hain
vaqt ki sazish gahri hoti jaati hai
divaron ke rang utarte jaate hain
ban kar phir aaseb bhaTakne lagte hain
dil ke vo ehsas jo marte jaate hain
yadon men ik Tiis bani hi rahti hai
dhire dhire zaḳhm to bharte jaate hain
aḳhir tak insan akela rahta hai
yuun hi mah-o-sal guzarte jaate hain
ab-o-dana aur nasheman ke sapne
panchhi ki parvaz katarte jaate hain
zaḳhmon men har roz izafa hota hai
ghazlon ke mafhum sanvarte jaate hain
Leave a Reply