Dfa Cf Dd F Fbebdca
saa.e ko dhuup dhuup ko saaya bana liya
ik lamha-e-visal ne kya kya bana liya
ik shahr-e-na-shanas men jaane ki der thi
beganagi ne mujh ko tamasha bana liya
avargan-e-shauq ka raste men tha hujum
main ne magar hujum men rasta bana liya
ḳhvabon ki main ne ek imarat bana.i aur
yadon ka us men ek daricha bana liya
itni si baat hai ki use mil nahin saka
us ne baḌha ke baat ko jhagḌa bana liya
Leave a Reply