Bas Khak-E-Qadam Dijiye Takrar Bahut Ki

bas khak-e-qadam dijiye takrar bahut ki

mitti miri is khaak ne hi khvar bahut ki

chaid mujh ko tujhe riijh ke takrar bahut ki

khush rah ki khushamad tiri ai yaar bahut ki

hargiz na gai pesh na aaya mah-e-be-mehr

har chand ki zaari pas-e-divar bahut ki

laai kashish-e-dil hi tumhen tum ne to varna

yahan aane men ik umr talak aar bahut ki

us chashm ne dekha dil-e-bimar ko mere

bimar ne kal khatir-e-bimar bahut ki

abru ki tasavvur men hua qatl mira dil

phal kyuun na mile mard tha talvar bahut ki

ushshaq men main hi hadaf-e-tir huun us ka

azmat hi yahi khidmat-e-sarkar bahut ki

is tarah ka be-did to gham hoga jahan men

ki ham ne bhi hai diid trahdar bahut ki

surat tiri aage hi bhabuka thi va-lekin

zulfon ke bikharne ne dhuandhar bahut ki

yahan aath pahar jins se vafa ham ne dikhai

dekha na kharidar to na-char bahut ki

yarab na rahe naam judai ki rah-e-ishq

asan thi par us ne hi dushvar bahut ki

maalum koi din ko tujhe hogi haqiqat

kam us tire iqrar ki inkar bahut ki

har chand ki khat se bhi dhuan-shakl hai ai mah

par khat ki na rakhne ne numudar bahut ki

ghar men na tire kuud saka rat-gae main

haan apni si tadbir to ai yaar bahut ki

bahbud ke asar na dekhe kabhu hargiz

jis shakhs ne unchi tiri divar bahut ki

kam ham sa kharidar baham pahunchega us ko

kyuun ishq ne jins-e-gham-e-bisyar bahut ki

bola sar-e-mansur sar-e-dar pe ‘ehsa۔n’

haq hai ki saza-var the pindar bahut ki

Leave a Comment