Poet
rachi dimagh men ho jis ke us badan ki bu
ḳhush aave kab use nasrin-o-nastaran ki bu
vo jis ne sunghi ho ik daf.a us ke tan ki bu
na itr ki use bhave na yasman ki bu
hazar jaan se mushk-e-ḳhutan ho halqa-ba-gosh
jo sungh le kabhi us zulf-e-pur-shikan ki bu
basa ho dil men bhala jis ke vo gul-e-ḳhubi
pasand aa.e use kis tarah chaman ki bu
masham-e-jan hui yaqub ki vahin taaza
jo pahunchi misr se yusuf ke pairahan ki bu
kahan hai seb men seb-e-zaqan ki si bu-bas
jahan men ruh-faza hai to hai zaqan ki bu
masham-e-jan ko tar-o-taza ‘aish’ karti hai
jahan ke baagh men guldasta-e-suḳhan ki bu
Leave a Reply