raz-e-ulfat bata gaya koi
mujh ko jiina sikha gaya koi
mere dil men sama gaya koi
ujḌi basti basa gaya koi
apna jalva dikha gaya koi
nur-o-nik.hat luTa gaya koi
kisht-e-viran thi zindagi meri
rashk-e-jannat bana gaya koi
ek aalam hai vajd men goya
aisa naghma suna gaya koi
ham bhi qaa.il the zabt ke lekin
kho.e aise ki pa gaya koi
mast rahta huun be-piye ‘sabir’
mujh ko aisi pila gaya koi
Leave a Reply