Raaton Ko Din Ke Sapne Dekhun Din Ko Bitaun Sone Mein

rātoñ ko din ke sapne dekhūñ din ko bitā.ūñ sone meñ

mere liye koī farq nahīñ hai hone aur na hone meñ

barsoñ ba.ad use dekhā to āñkhoñ meñ do hiire the

aur badan kī saarī chāñdī chhupī huī thī sone meñ

dhartī terī gahrā.ī meñ hoñge mīThe sot magar

maiñ to sarf huā jaatā huuñ kañkar patthar Dhone meñ

ghar meñ to ab kyā rakkhā hai vaise aao talāsh kareñ

shāyad koī ḳhvāb paḌā ho idhar udhar kisī kone meñ

saa.e meñ saaya ulajh rahā thā chāhat ho ki adāvat ho

duur se dekho to lagte the sūraj chāñd bichhaune meñ

Leave a Comment