Hadse Aise Bhi Ab Ishq Mein Ho Jate Hain

hādse aise bhī ab ishq meñ ho jaate haiñ

jāgnā chāheñ magar hijr meñ so jaate haiñ

zabt-e-nazzāra ne taufīq nahīñ dī varna

ham haiñ vo log ki dīvāne bhī ho jaate haiñ

badliyāñ dekh ke mausam kā koī giit na gā

aise bādal to harī fasl Dubo jaate haiñ

ham se āvāra-mizājoñ kī sifat aisī hai

ek lamhe ko Thahar jaa.eñ to kho jaate haiñ

Leave a Comment