Poet
raton ki god men the azabon ke silsile
ankhon men phailte ga.e ḳhvabon ke silsile
paikar tham ga.i to khula raaz dosto
milon talak the shahar-ḳharabon ke silsile
ab dil ki vus.aton men zara aa ke dekhiye
yadon ki sar-zamin pe gulabon ke silsile
sahra ho reg-zar ho ya shahr-e-arzu
milte hain duur duur sarabon ke silsile
rangin anchalon men vo lipTe hue jamal
ankhon men jhankte hain naqabon ke silsile
Leave a Reply