nisbat vahi mah-e-asman se
laaen tashbih-e-rukh kahan se
missi ki sifat bayan na hogi
sausan bhi kahe jo sau zaban se
tashbih jo maang ki na haath aae
laun main maang kahkashan se
sauda hai jo bulbulon ko gul ka
tinke chun laaen ashiyan se
ye harij-e-shab vo mane-e-roz
darban se ladun ki pasban se
jitenge na ham se bazi-e-ishq
aghyar ke pit padenge panse
hai qadr-e-sukhan ‘sakhi’ ko hasil
yaan ke har piir aur javan se