Isma Hadia
kamal rakhte hain apni vahi javani men
laga ke aag jo baiThe hue hain paani men
ga.e dinon ke dikha.i diye sabhi manzar
rafaqaton se juḌi har kisi nishani men
tamam ḳhvab miri zindagi ke bah nikle
tiri juda.i men ashkon ki is ravani men
jise bhi dekhiye ranj-o-alam men Duuba hai
ajiib dard hai har shaḳhs ki kahani men
akeli main hi nahin huun vafa ke zindan men
bahut se aur hain is qaid-e-ra.egani men
mujhe to dasht-e-tamanna ki dhuup kaam aa.i
ai ‘hadia’ miri miTTi ki sa.ebani men
Leave a Reply