sham-e-vada ka Dhal gaya saaya
aane vaala abhi nahin aaya
zindagi ke ghamon ko apna kar
ham ne dar-asl tum ko apnaya
justuju hi dilon ki manzil thi
ham ne kho kar tujhe, tujhe paaya
zindagi naam hai juda.i ka
aap aa.e to mujh ko yaad aaya
ham ne teri jafa ke parde men
ḳhud bhi dil par bahut sitam Dhaya
zindagi se to ḳhair shikva tha
muddaton maut ne bhi tarsaya
‘shad’ ahhl-e-tarab ko bhi aksar
meri afsurdagi pe pyaar aaya
Leave a Reply