raat tarik raste ḳhamosh
manzilon tak hain qumqume ḳhamosh
arzuon ke Dhe ga.e ahram
hasraton ke hain maqbare ḳhamosh
dil ke ujḌe nagar se guzre hain
kitni yadon ke qafile ḳhamosh
muntazir the jo meri aamad ke
hain munDeron pe vo diye ḳhamosh
mere mustaqbil-e-mohabbat par
zindagi ke hain tajribe ḳhamosh
zehn-e-azar hai ḳhvab-gah-e-jumud
fikr-o-fan ke hain but-kade ḳhamosh
Leave a Reply