Meer Naqi Ali Khan Saqib
charagh-e-dard kabhi yuun bujhe bujhe to na the
ham apne aap se itne khinche khinche to na the
fusun-e-chashma-e-sail-e-ravan ki umr-e-daraz
un ansuon men samundar ruke ruke to na the
shab-e-firaq un ankhon men kaT ga.i hogi
mile vo kal bhi the lekin thake thake to na the
vo saans leti hui tishnagi vo nahr-e-furat
labon pe pyaas ke dariya thame thame to na the
vo aankh ab bhi samajhti hai ajnabi ham ko
magar ham ahl-e-nazar yuun na.e na.e to na the
Leave a Reply