Mushafi Ghulam Hamdani
raat parde se zara munh jo kisu ka nikla
sho.ala samjha tha use main pa bhabhuka nikla
mahr o mah us ki phaban dekh ke hairan rahe
jab varaq yaar ki tasvir-e-do-ru ka nikla
ye ada dekh ke kitnon ka hua kaam tamam
nimcha kal jo Tuk us arbada-ju ka nikla
mar ga.i sarv pe jab ho ke tasadduq qumri
us se us dam bhi na tauq apne gulu ka nikla
‘mus.hafi’ ham to ye samjhe the ki hoga koi zaḳhm
tere dil men to bahut kaam rafu ka nikla
Leave a Reply