Aleena Itrat
raat ke pichhle pahar jis ne jagaya kya tha
koi aseb-zada hijr ka saaya kya tha
na to ham samjhe na ki koi vazahat dil ne
jaane apna tha ki vo shaḳhs paraya kya tha
ye to sach hai ki labon ne na koi jumbish kei
par nigahon ne jo paigham sunaya kya tha
yuun samundar ka hava se to koi rabt na tha
lahar ne phir bhi jo ye shor machaya kya tha
vo jo ehsas-e-ta.alluq tha ta.alluq ke baghair
us ne samjha na kabhi ham ne jataya kya tha
Leave a Reply