Hamza Daim
raat ka vo pahar bhi aa.ega
jhumegi lau charagh ga.ega
ishq jab ham ko azma.ega
apni tariḳh bhuul ja.ega
jhuuT ko sach samajhne valon par
aa.ina qahqahe laga.ega
sochta huun to ḳhauf aata hai
tu bhi raste men chhoḌ ja.ega
vo to nadan hai koi roko use
vo zamane se haar ja.ega
ham ne pal pal ko azmaya hai
ab hamen vaqt azma.ega
hijr ki raat kaTne vaalo
kaun aata hai kaun aa.ega
Leave a Reply