Ulfat Batalvi
gahe-gahe na mujh ko ghiza dijiye
bhuuk ko marne ki dava dijiye
main huun sachcha to mujh ko sila dijiye
aur jhuTa huun to phir saza dijiye
bol kar hi batana zaruri nahin
aap raazi hain to muskura dijiye
vo jo chehre ke pichhe bhi dikhlata ho
mujh ko aisa koi a.ina dijiye
ham bhi aa.e hain jhukne dar-e-yar par
ham ko bhi jaane ka rasta dijiye
mere dil men to bas aap hi aap hain
aap ke dil men kya hai bata dijiye
apne bahar se ‘ulfat’ bahut mil chuka
ab mire ghar se mujh ko mila dijiye
Leave a Reply