zehra-nigaah

Raat Gahri Thi Phir Bhi Sawera Sa Tha

raat gahri thi phir bhi savera sa tha

ek chehra ki ankhon men thahra sa tha

be-charagi se teri mire shahr-e-dil

vadi-e-sher men kuchh ujala sa tha

mere chehre ka suraj use yaad hai

bhulta hai palak par sitara sa tha

baat kiije to khulte the jauhar bahut

dekhne men to vo shakhs saada sa tha

sulh jis se rahi meri ta-zindagi

us ka saare zamane se jhagda sa tha

More Poems

Leave a Comment