dariya men ye naav kis taraf hai
paani ka bahav kis taraf hai
ye raah kidhar ko muḌ rahi hai
logon ka lagav kis taraf hai
manzil kahan takte hain raahi
takte hain paḌav kis taraf hai
tasir kahan ga.i suḳhan se
jazbon ka alaav kis taraf hai
avaz kahin bula rahi hai
yaron ka rijhav kis taraf hai
tasvir dikha rahi hai kya kuchh
rangon ka rachao kis taraf hai
kho.e hue tum kahan ho ‘gauhar’
dil ka ye khichao kis taraf hai
Leave a Reply