Poet
in vafaon ka faisla kar de
bad-dua.en bhi muskura kar de
abr se sirf itna kahna hai
saara jangal hara-bhara kar de
ishq men fa.eda hai ya nuqsan
mashvara mujh ko aazma kar de
tera qad kahkashan se uupar hai
chand akash se uTha kar de
ruuh tak bhi rasa.i hogi miri
pahle dil tak to rasta kar de
koi misre men aa simaT ke kabhi
sher ka canvas baḌa kar de
vo mujhe dekhe to mira ho jaa.e
aisi surat mire ḳhuda kar de
Leave a Reply