Apne miT Jaane Ka Idrak Liye Phirta Hun

apne miT jaane kā idrāk liye phirtā huuñ

ḳhatm hotī huī imlāk liye phirtā huuñ

āsmāñ merā ik imkān liye phirtā hai

aur meñ mantiq-e-aflāk liye phirtā huuñ

ḳhaak paaoñ se na lagtī thī kabhī lekin ab

ḳhaak aur baad kī poshāk liye phirtā huuñ

kitnī TuuTī huī bikhrī huī duniyā hai ye

ḳhaak uḌātā huuñ jigar chaak liye phirtā huuñ

Leave a Comment