Jawed Manzar
qismat men jis ke tha vo gaya is jahan se
ham ko gila nahin hai koi asman se
ab bhi hai vaqt aao chalo ham nikal chalen
dekho dhuan sa uThne laga hai makan se
ye vo parind hai ki nahin jis ka ashiyan
andaza ho gaya hamen us ki uḌaan se
phir faisla karenge mashiyyat hai kis ke saath
tum bhi kabhi to aao utar kar machan se
‘manzar’ azal se sahab-e-izzat vahi rahe
jo munharif hue na kabhi ḳhandan se
Leave a Reply