Poet
qatre gire jo kuchh araq-e-infi.al ke
dariya baha diye karam-e-zul-jalal ke
pahlu se dil ko le ga.e vo dekh-bhal ke
yusuf ko le chale hain kuen se nikal ke
kyuun miTTi dene aa.e jo va.ada tha ghair se
jaate kahan ho aankh men tum ḳhaak Daal ke
labrez main ne mai se na dekha use kabhi
phuTe nasib hain mire jam-e-sifal ke
hai mujh men aur kohkan-o-qais men ye farq
main vahshi-e-azal huun ye divane haal ke
ho tuur par uruuj unhen tu ho gharq-e-nil
fir.aun ye mila tujhe muusa ko paal ke
kahti hai baḌh ke zulf kamar se dam-e-ḳhiram
rakh dungi main kamar ke abhi bal nikal ke
rakhengi ab kahin ka na piiri ki laghzishen
rakhna qadam ‘vasim’ bahut hi sambhal ke
Leave a Reply