qarar paate hain aḳhir ham apni apni jagah
ziyada rah nahin sakta koi kisi ki jagah
banani paḌti hai har shaḳhs ko jagah apni
mile agarche ba-zahir bani-bana.i jagah
hain apni apni jagah mutma.in jahan sab log
tasavvurat men mere hai ek aisi jagah
gila bhi tujh se bahut hai magar mohabbat bhi
vo baat apni jagah hai ye baat apni jagah
kiye hue hai faramosh tu jise ‘basir’
vahi hai asl men tera maqam teri jagah
Leave a Reply