Inam Sharar Ayyubi
ishq ki baat vafaon ki kahani rakh de
ho ga.i aaj har ik rasm purani rakh de
muntazir hai miri peshani kisi suraj ki
apne honTon se jo tu ek nishani rakh de
guftugu meri mira dost samajhta hi nahin
us ke dil men mire lafzon ke ma.ani rakh de
vo bhi sairab hon sadiyon se jo pyase hi rahe
ḳhushk sahraon men dariyaon ka paani rakh de
main ‘sharar’ bolun to aivan-e-siyasat jal jaa.e
mere alfaz men vo sho.ala-bayani rakh de
Leave a Reply