qamar ki vo khurshid tasvir hai
gale men sitaron ki zanjir hai
kahan pa-e-janan kahan mera sar
ye taale ye qismat ye taqdir hai
khafa aap se aap hote ho kyuun
bata do jo kuchh meri taqsir hai
na kholo khat us ka dhadakta hai dil
khuda jaane kya is men tahrir hai
numayan hai qaus-e-quzah abr men
misi par likhaute ki tahrir hai
munasib hai kuchh kha ke mar jaao ‘barq’
yahi dard-e-furqat ki tadbir hai
Leave a Reply