Poet
Dalta adl ki jholi men syahi kaise
mangta mujh se koi jhuTi gavahi kaise
kya tire jism pe TuuTi hai qayamat koi
daf.atan aaj miri ruuh karahi kaise
jab har ik dard ki zanjir ko kaT jaana hai
phir tira dard hua la-matanahi kaise
kitna be-Dhang tanasub hai mahaz-e-gham par
itne lashkar se laḌe ek sipahi kaise
ji raha huun main ghulamon ka havala ban kar
meri pahchan bane masnad-e-shahi kaise
kis havale se tha mausam ka sitam peḌon par
duur tak phail ga.i zard tabahi kaise
Leave a Reply