Zaban Ka Zawiya Lafzon Ki KHu Samajhta Hai

zabāñ kā zāviya lafzoñ kī ḳhū samajhtā hai

maiñ us ko aap pukārūñ vo tū samajhtā hai

maiñ us kī bazm meñ bhī sarfarāz rahtā huuñ

merā nasab mirī azmat adū samajhtā hai

munāfiqat se azīzoñ ko zer kartā hai

aur us meñ apnī baḌī aabrū samajhtā hai

suḳhan ke harf pe rakhtā hai harf-e-jāñ kā madār

hayā ko aañkh kī durd-e-subū samajhtā hai

rafūgarāñ mire zaḳhm-e-anā se aajiz haiñ

ki mere ḳhuun kī tezī rafū samajhtā hai

Leave a Comment