noshi-gilani

Ye Dil Bhulata Nahin Hai Mohabbaten Uski

ye dil bhulata nahin hai mohabbaten us ki

padi hui thiin mujhe kitni adaten us ki

ye mera saara safar us ki khushbuon men kata

mujhe to raah dikhati thiin chahaten us ki

ghiri hui huun main chehron ki bhiid men lekin

kahin nazar nahin atin shabahaten us ki

main duur hone lagi huun to aisa lagta hai

ki chhanv jaisi thiin mujh par rifaqaten us ki

ye kis gali men ye kis shahr men nikal aae

kahan pe rah gaiin logo sadaqaten us ki

main barishon men juda ho gai huun us se magar

ye mera dil miri sansen amanaten us ki

More Poems

Leave a Comment