Mannan Bijnori
dard ke biij bo liye ranj-o-alam uga liye
ishq men dil ki maan kar ham ne ye gul khila liye
tiili dikha to di magar jaldi se phir bujha ke aag
us ne mire tamam ḳhat jhaaḌ ke dhuul uTha liye
qillat-e-ashk ab kabhi hogi na umr bhar hamen
ham ne ḳhushi ke shauq men itne to gham kama liye
tanha rahenge kis tarah haa.e ye ham ne kya kaha
apnon ko bhi parakh liya ghair bhi aazma liye
Leave a Reply