Hashim Azimabadi
tu nahane ghaaT par aaya to dariya jal gaya
atish-e-ruḳh se tire jo kuchh vahan tha jal gaya
kya bata.un apne main soz-e-darun ka majra
tha pahanne ka irada hi ki kurta jal gaya
ab to gham-ḳhane men apne ik chaTa.i bhi nahin
aag is ghar ko lagi aisi ki jo tha jal gaya
meri ah-e-atishin ki zad men shaiḳh aa hi ga.e
sirf daḌhi bach ga.i puura amama jal gaya
aftab-e-hashr ki garmi bhi kitni baḌh ga.i
bach ga.e aasi farishton ka navishta jal gaya
bazm-e-ḳhuban men lagi aag ah-e-sozan se miri
un ki saari jal ga.i un ka dupaTTa jal gaya
Thiik ‘ghalib’ hi ke dil ki tarah tha ‘hashim’ ka dil
dekh kar tarz-e-tapak-e-ahl-e-duniya jal gaya
Leave a Reply