afzal-ahmad-syed

Aakhiri Dalil

tumhari mohabbat

ab pahle se zyada insaf chahti hai

sub.h barish ho rahi thi

jo tumhen udaas kar deti hai

is manzar ko la-zaval banne ka haq tha

is khidki ko sabze ki taraf kholte hue

tumhen ek mu.hasare men aae dil ki yaad nahin aai

ek gum-nam pul par

tum ne apne aap se mazbut lahje men kaha

mujhe akele rahna hai

mohabbat ko tum ne

hairat-zada kar dene vaali khush-qismati nahin samjha

meri qismat jahaz-rani ke kar-khane men nahin bani

phir bhi main ne samundar ke fasle tai kiye

pur-asrar taur par khud ko zinda rakkha

aur be-rahmi se shairi ki

mere paas ek mohabbat karne vaale ki

tamam khamiyan

aur akhiri dalil hai

More Poems

Leave a Comment