baḌe sukun se ḳhud apne ham-saron men rahe
jab a.ina-sifat insan pattharon men rahe
bhala vo kaise jara.em ke haath kaTenge
jo sahme simTe se ḳhud apne bistaraon men rahe
nafas nafas tha bikharne ka silsila jaari
bara.e naam hi mahfuz ham gharon men rahe
hamari nukta-rasi is qadar giran guzri
ki ban ke ḳhaar hamesha nazar-varon men rahe
sahife fikr-o-nazar ke jo de ga.e tartib
vahi to sher-o-suḳhan ke payambaron men rahe
uTha.e dosh pe maslub hasraton ki laash
ham apne shahr ke ḳhun-bar manzaron men rahe
tarash kar na.i tahzib ke sanam ham log
”ba-sad vaqar zamane ke azaron men rahe
Leave a Reply