Dhuan Sa Ek Samt Uth Raha Hai Sharare Ud Ud Ke Aa Rahe Hain

dhuan sa ik samt uth raha hai sharare ud ud ke aa rahe hain

ye kis ki aa.hen ye kis ke naale tamam aalam pe chha rahe hain

naqab ruḳh se utha chuke hain khade hue muskura rahe hain

main hairati-e-azal huun ab bhi vo ḳhaak hairan bana rahe hain

havaen be-ḳhud fazaen be-ḳhud ye ambar-afshan ghataen be-ḳhud

mizha ne chheda hai saaz dil ka vo zer-e-lab gunguna rahe hain

ye shauq ki vardat-e-paiham ye vada-e-iltifat-e-paiham

kahan kahan aazma chuke hain kahan kahan aazma rahe hain

surahiyan nau-ba-nau hain ab bhi jamahiyan nau-ba-nau hain ab bhi

magar vo pahlu-tahi ki saugand ab bhi nazdik aa rahe hain

vo ishq ki vahshaton ki zad men vo taaj ki rifaton ke aage

magar abhi aazma rahe hain magar abhi aazma rahe hain

ata kiya hai ‘majaz’ fitrat ne vo mazaq-e-latif ham ko

ki alam-e-ab-o-gil se hat kar ik aur aalam bana rahe hain

Leave a Comment