tu shanasa-e-kharash-e-uqda-e-mushkil nahin
ai gul-e-rangin tire pahlu men shayad dil nahin
zeb-e-mahfil hai sharik-e-shorish-e-mahfil nahin
ye faraghat bazm-e-hasti men mujhe hasil nahin
is chaman men main sarapa soz-o-saz-e-arzu
aur teri zindagani be-gudaz-e-arzu
tod lena shakh se tujh ko mira aaiin nahin
ye nazar ghair-az-nigah-e-chashm-e-surat-bin nahin
aah ye dast-e-jafa jo ai gul-e-rangin nahin
kis tarah tujh ko ye samjhaun ki main gulchin nahin
kaam mujh ko dida-e-hikmat ke uljhedon se kya
dida-bulbul se men karta huun nazzara tera
sau zabanon par bhi khamoshi tujhe manzur hai
raaz vo kya hai tire siine men jo mastur hai
meri surat tu bhi ik barg-e-riyaz-e-tur hai
main chaman se duur huun tu bhi chaman se duur hai
mutmain hai tu pareshan misl-e-bu rahta huun main
zakhmi-e-shamshir-e-zauq-e-justuju rahta huun main
ye pareshani miri saman-e-jamiyat na ho
ye jigar-sozi charagh-e-khana-e-hikmat na ho
na-tavani hi miri sarmaya-e-quvvat na ho
rashk-e-jam-e-jam mira aina-e-hairat na ho
ye talash-e-muttasil sham-e-jahan-afroz hai
tausan-e-idrak-e-insan ko khiram-amoz hai
Leave a Reply