qalb-o-jigar ke daagh farozan kiye hue
hain ham bhi ehtimam-e-baharan kiye hue
divana-e-khirad ho ki majnun-e-ishq ho
rahna hai us ko chak-gareban kiye hue
parde men shab ke ham ne chhupa.e hain dil ke zaḳhm
ik tirgi hai dard ka darman kiye hue
dil ka ajiib haal hai be-iḳhtiyar hai
yadon ki mezbani ka saman kiye hue
raz-e-hayat kis ko bata.en ki har koi
hai zindagi ko maut ka unvan kiye hue
bhaTka raha hai dil ko kisi shaḳhs ka ḳhayal
dil ko usi ki yaad pareshan kiye hue
kya ho raha hai dil pe asar un ka kya kahen
jalve jo hain nigah ko hairan kiye hue
Leave a Reply