qalb-e-alam-nasib ki tishna-labi bujha.e ja
ai mere saqiya mujhe sham-o-sahar pila.e ja
ai dil-e-be-qarar sun rone se fa.eda hai kya
jis ne bhula diya tujhe tu bhi use bhula.e ja
barsar-e-bam aa ke tu parda-e-ruḳh haTa zara
ham bhi hain sahib-e-nazar ham ko bhi azma.e ja
zauq-e-tulu-e-sub.h bhi degi ye tirgi tujhe
raat tavil hai to kya dil ka diya jala.e ja
jan-e-bahar-e-gulsitan zohra-jamal naznin
‘nayyar’-e-ḳhush-ḳhayal ke fikr-o-nazar pe chha.e ja
Leave a Reply