Qafas Se Chhutne Ki Kab Hawas Hai

qafas se chhutne ki kab havas hai

tasavvur bhi chaman ka ham ko bas hai

bajae rakhna-e-divar-e-gulshan

hamen sayyad ab chak-e-qafas hai

fughan karta hi rahta hai ye din raat

ilahi dil hai mera ya jaras hai

katenge umr ke din kab ke be-yar

mujhe ik ik ghadi sau sau baras hai

hamari daad ke taiin kaun pahunche

na kui munis na kui fariyad-ras hai

gali men yaar ki ho jaiye khaak

mire dil men ye muddat se havas hai

safar duniya se karna kya hai ‘taban’

adam hasti se rah-e-yak-nafas hai

Leave a Comment