Zafar Zaidi
qadam qadam pe ajab ḳhauf sa guzarta hai
vo apne gaanv men jaate hue bhi Darta hai
hava.en chalne lagi hain chahar-janib se
sambhalna ki har ik silsila bikharta hai
kabhi jhinjhoḌ ke rakh deta hai tamam badan
kabhi vo dil men dabe paanv bhi utarta hai
baja.e us ke ki mujh ko bhi jagmaga deta
vo chand ho ke miri tirgi se Darta hai
utar raha huun main tanha.iyon ke dariya men
ye dekhna hai pas-e-ab kya ubharta hai
ye dhuup jism jala degi Thiik hai lekin
yahan pe kaun bhala apni maut marta hai
Leave a Reply