Dena Hai to Nigah Ko Aisi Rasai De

denā hai to nigāh ko aisī rasā.ī de

maiñ dekhtā huuñ aa.ina to mujhe tū dikhā.ī de

kaash aisā tāl-mel sukūt-o-sadā meñ ho

us ko pukārūñ maiñ to usī ko sunā.ī de

ai kaash is maqām pe pahuñchā de us kā pyaar

vo kāmyāb hone pe mujh ko badhā.ī de

mujrim hai soch soch gunahgār saañs saañs

koī safā.ī de to kahāñ tak safā.ī de

har aane jaane vaale se bāteñ tirī sunūñ

ye bhiik hai bahut mujhe dar kī gadā.ī de

yā ye batā ki kyā hai mirā maqsad-e-hayāt

yā zindagī kī qaid se mujh ko rihā.ī de

kuchh ehtirām apnī anā kā bhī ‘nūr’ kar

yuuñ baat baat par na kisī kī dahā.ī de

Leave a Comment