poet

Jo Rah-E-Mulaqat Thi So Jaan Gae Hum

jo rah-e-mulaqat thi so jaan gae ham

ai khizr-e-tasavvur tire qurban gae ham

jamiyyat-e-husn aap ki sab par hui zahir

jis bazm men ba-hal-e-pareshan gae ham

us ghar ke tasavvur men juun hi band kiin ankhen

sad-shukr ki be-minnat-e-darban gae ham

kal vaqif-e-kar apne se kahta tha vo ye baat

‘jurat’ ke jo ghar raat ko mehman gae ham

kya janiye kam-bakht ne kiya ham pe kya sehr

jo baat na thi manne ki maan gae ham

More Poems

Leave a Comment