Zakir Khan Zakir
a.ina-e-ḳhayal tire ru-ba-ru karen
jitni shikayaten hain sabhi du-badu karen
jalne laga hai ab to ye sanson ka pairahan
mayusiyon ki aag se kab tak rafu karen
ahbab ke ḳhulus men ab vo kashish kahan
phir kya milen kisi se koi aarzu karen
ahl-e-junun ke haq men hai hukm-e-ḳhuda yahi
tabligh-e-dard harf-o-sada ku-ba-ku karen
arz-o-saman ke beach muallaq hai kyuun dua
‘zakir’ chalo ki tuur pe kuchh guftugu karen
Leave a Reply