Sajjad Baluch
chahchahati chand chiḌiyon ka basar tha peḌ par
mere ghar ik peḌ tha aur ek ghar tha peḌ par
mausam-e-gul tu ne socha hai ki us ka kya bana
tere lams-e-mehrban ka jo asar tha peḌ par
ab hava ke haath men tu ik tamasha ban gaya
zard sa patta sahi main mo’tabar tha peḌ par
is liye mera parindon se lagav hai bahut
main bhi to koi zamana peshtar tha peḌ par
is dafa to fasl-e-gul ke saath aa.iin andhiyan
uḌ gaya sab jo mire ḳhvabon ka zar tha peḌ par
Leave a Reply