Koi jhuTa Qayas Rahne Do

koī jhūTā qayās rahne do

mujh se milne kī aas rahne d

jashn-e-girya kā ehtimām karo

zindagī hai udaas rahne do

zaḳhm dil ke hare dikhā.ī deñ

us havelī meñ ghaas rahne do

chāñdnī chhup ga.ī hai bādal meñ

chāñd ko bad-havās rahne do

sham.a jugnū charāġh bechainī

raat ke ās-pās rahne do

multamis ho ke kyā milā ‘shākir’

mat karo iltimās rahne do

Leave a Comment