qabr par hoven do na chaar daraḳht
ek kaafi hai saya-dar daraḳht
tha main divana gor par hai zarur
bed-e-majnun ka saya-dar daraḳht
hon vo bad-baḳht mere saa.e se
ḳhushk hote hain bar-dar daraḳht
tu jo ai sarv baagh men jaa.e
samar o gul karen nisar daraḳht
past hon tujh se ghairt-e-tuba
ek kya hon agar hazar daraḳht
vah-re mere aah ke jhonke
uḌte phirte hain kah-var daraḳht
main jo tasir-e-ah dikhla.un
koh hil jaa.en darkinar daraḳht
bagh-e-hasti men zof-e-piri se
‘rind’ huun misl-e-bikH-ḳhar daraḳht
baghban kyuun na jaane is ko fuzul
kar chuke apni jab bahar daraḳht
Leave a Reply