milna tha ittifaq bichhadna nasib tha
vo utni duur ho gaya jitna qarib tha
main us ko dekhne ko tarasti hi rah gai
jis shakhs ki hatheli pe mera nasib tha
basti ke saare log hi atish-parast the
ghar jal raha tha aur samundar qarib tha
mariyam kahan talash kare apne khuun ko
har shakhs ke gale men nishan-e-salib tha
dafna diya gaya mujhe chandi ki qabr men
main jis ko chahti thi vo ladka gharib tha