Iqbal Ashhar
pyaas ke bedar hone ka koi rasta na tha
is taraf badal nahin the us taraf dariya na tha
raat ki tarikiyan pahchan leti thiin use
ruuh ki avaz tha vo jism ka saaya na tha
teri yaden to charaghon ki qataren ban ga.iin
pahle bhi ghar men ujala tha magar aisa na tha
chand qatron ke liye dariya ko kyuun taklif di
meri janib dekh lete main koi sahra na tha
raat aa.i to charaghon ki baḌi ta.azim thi
aur jab guzri to koi puchhne vaala na tha
Leave a Reply