pursish-e-gham ko na aa gham ka mudava ho ja
mujh men dil ban ke dhaḌak mera sarapa ho ja
paaon rakhne ko zamin tag na mayassar hogi
bhiiḌ se uncha na uTh bhiiḌ ka hissa ho ja
aql kahti hai ki maang un se vafaon ka sila
dil ye kahta hai ki mahrum-e-tamanna ho ja
TuuT hi jaa.en na dharti se kahin sab rishte
itna uncha bhi na uḌ thoḌa sa nicha ho ja
rif.aten chhu ke dikha ishq-o-mohabbat ki ‘naresh’
us ne ik qatra jo manga hai to dariya ho ja
Leave a Reply