Poet
pukarta huun main al-aman al-aman allah
bacha le mere yaqinullah ki jaan allah
vo jin ko tu ne ata kiya hai jahan allah
bana rahe hain tire liye hi makan allah
vo yaad aata hai sirf yaron ke puchhne par
tu yaad aata hai sirf vaqt-e-azan allah
tire taghaful ki hi badaulat huun aaj jo huun
mujhe koi janm-zat kafir na jaan allah
main jab vo jannat bhi chhoḌ aaya to duniya kya hai
le main chala tu sambhal apna jahan allah
Leave a Reply