puchhte ho mire ash.ar men kya rakkha hai
ek mahshar hai ki lafzon men chhupa rakkha hai
muddaten ho ga.iin dekhe hue a.ina hamen
ek tasvir ki tasvir men kya rakkha hai
vahi badle hue tevar vahi kal ka va.ada
is liye ham ne tira naam ḳhuda rakkha hai
aaj tak naḳhun-e-fitrat hain lahu se rangin
meri taḳhliq se hathon ko saja rakkha hai
aur kuchh ho ki na ho ghar men ujala to rahe
ik diya ham ne umidon ka jala rakkha hai
Leave a Reply